Google Talk hta jai lang mai ai lam ni

GOOGLE Talk hpe jai lang ai shaloi, tinang ra ai laika hkrang ni hpe tatut jai lang lu na matu, lawu de na lam ni hpe tang madun dat nngai.

1. Line Break hpe bang mayu ai rai yang: SHIFT hpe dip da nna ENTER galaw

2. Laika hkum htat htat (Bold) galaw mayu ai rai yang: asterisk (*) kumla hpe laika a npawt hte ndung hta bang shalawm dat (ga shadawn *bold*)

3. Laika hkum yawn yawn (Italic) galaw mayu ai rai yang: asterisk (_) kumla hpe laika a npawt hte ndung hta bang shalawm dat (ga shadawn _Italic_)

4. Ga shaga/laika ka nga ai aten hta Font size galai mayu ai rai yang: CTRL + Mousewheel hpe UP/DOWN galaw

5. CTRL + E: Center text

6. CTRL + R: Right justify text

7. CTRL + L: Left justify text

8. F11: Start a call

9. F12: Stop the call

10. ESC: Close the current window

Google Talk lahkawng masum hpe arau sha hpaw da mai nga ai

GOOGLE Mail account lahkawng masum lu da ai lam a marang e, dai ni yawng hpe Google Talk langai hpra hta arau sha hpaw da mayu ai rai yang, nau wa mi lak lak lai lai galaw la ra ai lam nnga nga ai. Lawu de matsun da ai lam ni hpe loi mi galaw jahtuk la ra na lam sha rai nga ai.

(i) Google Talk shortcut hpe "right click" galaw nna Properties hpe matut "click",

(ii) Dai hpang Shortcut Tab kata na Target mying ai shara kaw "c:\program files\google\google talk\googletalk.exe" /nomutex ngu nna bai galai ka bang la,

(iii) "Apply" hte "OK" hpe bai matut dip la dat sha rai nga ai.

Dai ni yawng hpe galaw la ngut sai rai yang, shawoi na hte maren Google Talk shortcut hpe tinang ra ai made mi "click" galaw la nna "sign in" matut galaw mat wa na lam sha rai nga sai rai.-- PC Hacks

Manu n-hkrat ra ai sha download galaw la mai ai "Clip Art" ni

MANU jahpu n-hkrat ra ai hta sha n-ga, download galaw la mung loi dik ai "Clip Art" ni hpe Open Clip Art Library kaw mahkawng da nga ai lam hpe mu lu ai.

Dai "Clip Art" ni law malawng hpe SNG format hte PNG format ni hku nna download galaw la mai nga ai lam gaw, website ni matu sha n-ga, dip shapraw jai lang ai baw sumla hte laili laika ni a matu mung, akyu rawt dik nga ai lam rai nga ai.

Ra sharawng ai hpu nau ni a matu Free Clipart Download

iPad 2 bai pru sai

APPLE Inc. kaw na nnan bai shapraw dat ai iPad 2 tablet computer hpe, gat-lawk de shachyen dat ya sai lam, mu chye lu ai. Ndai iPad 2 gaw 2010 ning hta e shapraw dat ai iPad version hta grau tsang nna, grau mung hpa ai lam rai nga ai.

Dai hta sha n-ga, video chat mai galaw na matu shawng e mung, hpang e mung camera bang da ya ai lam rai nga ai. Rai timung, shi a manu hpe chyawm gaw, mi shawng na manu hte maren $499-$826 lapran hta sha matut rai nga na lam hpe, chief executive Steve Jobs hpe lakap nna chye lu ai.

Apple Inc. kaw nna galaw shapraw ai gunrai ni hta Macintosh computers, iPod, iPhone hte iPad ni gaw, mungkan hta mying gumhkawng dik ai gunrai ni nan rai nga ai rai.-- BBC News

Windows 7 hpe sharin hka ja lam

Windows 7 gaw Microsoft Windows Operating System a hpang jahtum na version re ai majaw, shi a shawng na version ni hte shingdaw yu ga nga yang, grau lawan nna grau mung lang loi, lang manu, ai operating system rai nga ai. Dai re ai majaw, Windows 7 hpe mari lang da nna, dai hpe atsawm sha hkau chyap, chye chyang, ai hku nna jai lang mayu ai rai yang, WINDOWS 7 TUTORIALS kaw e, sharin hka ja la yang mai nga ai.

Windows a lam hpe ningpawt ninghpang hku nna sharin hka ja la mayu ai hpu nau ni a matu, kaga tatut jai lang mai ai baw - ga shadawn, PC Maintenance, Windows Basics, Skins and Themes, Backup, etc. - lam ni hpe mung hka ja la mai ai shara rai nga ai.

Myit lawm ai hpu nau ni a matu Top-Windows-Tutorials.com.

Tech/Science