Sai lung ana lu ai Taiwan la langai mi gaw, ya yang e grai mying gumhkawng nga ai “Avatar” sumla hkrung sa yu ai a marang e, nau myit kahpra lai mat ai majaw, bawnu sai lam di ana (stroke) byin nna si mat ai lam, shi hpe gawn lajang ai sarawun hpe lakap nna chye lu ai.
Kuo mying ai la dai gaw, ndai shata praw daw hta Taiwan a dingdung maga na Hsinchu mare kaw dai “Avatar” sumla hkrung hpe yu nga ninglen e sha, nga n-pyaw wa ai lam a majaw tsi rung de woi sa mat wa ai. Nan Men General Hospital du ai shaloi Kuo gaw, sai lung ana (hypertension) a majaw, malap taw nga ai rai nna, jep sagawn yu ai shaloi shi a bawnu hta sai htaw ai lam (brain haemorrhage) byin nga ai lam hpe mu lu ai. ‘Ana a kumla hpe yu yang, byin mai ai lam gaw dai sumla hkrung hpe yu ai lam a majaw nau myit kahpra lai mat nna byin ai lam re’ nga nna ahkyak ahkya machyi masha gawn lajang gawk (emergency room) na lithkam sarawun Peng Chin-chih AFP hpe tsun ai.
Kuo gaw dai bawnu hta sai htaw ai lam a majaw, nhtoi (11) ya na ai hpang si mat ai. Ndai lam gaw, Director James Cameron woi hkrang shapraw ai “Avatar” mying ai hpungtang sumroi (science-fiction) sumla hkrung hpe yu ai lam hte lakap nna nambat langai ngu na si hkrung si htan lam re, nga nna The China Times shilaika hta tsun da nga ai.
Sumla hkrung hte seng ai ‘Blog’ ni law law hta mung, ndai “Avatar” zawn re ai 3D sumla hkrung ni hpe yu ai lam a majaw, baw machyi ana (headache), baw sin ana (dizziness), kraw galau ana (nausea) hte myi map map ai ana (blurry eyesight) ni byin hkrum hkra ai lam lajin laroi ga (complaint) ni law law hpe mung mu lu nga ga ai rai.--The Straits Times
2 comments:
in spring pendants [url=http://www.blingforfun.com]hip hop jewelry[/url],[url=http://www.blingforfun.com/pendants/cat_9.html]hip jump pendants[/url],hip voyage watches,[url=http://blingforfun.com/belts/cat_18.html]bling bling[/url] ,onto spring,[url=http://blingforfun.com/chains/cat_7.html]hip caper chains[/url],wise to hop bling,[url=http://blingforfun.com/chains/cat_7.html]iced out chains[/url],[url=http://www.blingforfun.com/chains/cat_7.html]wholesale chains[/url]
hip jump jewelry
ok, cool... i just added tons of bran-new emo backgrounds in my blog
http://www.emo-backgrounds.info
Post a Comment