Myen Asuya gaw 31 January 2010 kaw nna shi a mungshawa magam gun (civil servants) ni hpe shata shabrai (salary) Ks.20,000 hpra bai jat ya na hku re lam, lithkam salang langai hpe lakap nna chye lu ai. Ndai zawn, shata shabrai jat ya ai lam hpe hkam la lu na ni gaw, shata shabrai shata mi Ks.15,000 hpra lu ai ni kaw nna - shata shabrai shata mi Ks.80,000 hpra lu ai ni kaw du hkra rai na lam chye lu ai.
Ya yang e shata shabrai shata mi Ks.100,000 a lahta de lu nga ai ni a matu chyawm gaw, kaga alak mi jat na lam nnga ai lam hpe mung, na chye lu ai. Ndai hpe yu yang, shata shabrai jat ya ai lam gaw, gun rai manu ni laja lana rawt wa ai lam ni a majaw mayak mahkak lam ni law law hpe hkrum hkra nga nna a-put a-ngun nga nga ai, shata shabrai nem ai, asuya magam gun ni hpe myit shayu ya ai – myit shapyaw ya ai – lam rai nga ai hta sha n-ga, du wa na hkyen nga sai “2010 Ra Lata Poi” hpe mungshawa ni n-gun jaw, shang lawm madi shadaw, lawm na lam hpe myit mada yaw shada ai lam rai nga ai lam hpe mung, mu lu ai.
Ndai lam hte seng nna, tara shang n-dau shana ai lam ni nnga shi ai rai tim, mugun masha (employees) ni hku nna gaw chye da ngut chyalu rai nga sai lam hpe mung, na chye lu ga ai rai.--The Straits Times
Subscribe to:
Post Comments (Atom)
1 comment:
Hey Great Blog. I submitted you to Reddit and Digg. If you want, you can check out my article here: World of Warcraft Mods You Need
Post a Comment